Футбол боюнча Азия чемпиондугунун тандоо туруна катышууга ат салышкан мелдеште КРнын жаштар курама командасы акыркы орунду ээледи

Ирандын Мешхед шаарында футбол боюнча Азия чемпиондугунун тандоо туруна катышуу үчүн мелдештер өтүп, анда кыргызстандык футболчулар акыркы орунду ээлешти. 14 жаштагы спортчулардан түзүлгөн Кыргызстандын жаштар курама командасы “D” тобунда ойноп, 4 ирет таймаш өткөрдү. 23-апрелде түркмөнстандыктар менен беттешип 1:1 эсебинде тең-тең чыгышса, 24-апрелде индиялыктар менен беттешип, оюн 1:4 эсебинде аяктап, кыргыз оюнчулары утулушкан. Ал эми 26-апрелде пакистандыктар менен беттешип, 0:8 эсебинде, 28-апрелде ирандыктар менен беттешип, 1:9 эсебинде жеңилишти.