Жаш өспүрүмдөр "күч колдонуп, телефон тартып алган" деп айыпталууда

Бишкек шаарынын 43 жаштагы З.Р. аттуу тургуну милицияга арыз менен кайрылып, “бейтааныш 2 бала Туңгуч кичирайонунан 7 жаштагы уулума күч колдонуп, телефонун тартып алышкан”,- деп билдирген. Кылмышка шектүү балдарды Октябрь РИИБинин кызматкерлери 28-апрелде колго түшүрүштү. Териштирүү учурунда алар 15 жаштагы В.С. жана 10 жаштагы С.Г. аттуу жарандар экендиги белгилүү болгон.  Күнөөлүүлөргө укук коргоо кызматкерлери түшүндүрүү иштерин жүргүзүштү. Ошондой эле кармалган балдардын ата-энелерине да эскертүү иретинде маалымат жеткирилди.