Алмазбек Атамбаев Конституциянын расмий текстин жарыялоо жөнүндө жарлыкка кол койду

Президент Алмазбек Атамбаев 27-январда Конституциянын расмий редакциясын жарыялоо жөнүндө жарлыкка кол койду. Жарлыкка кол коюу аземине премьер-министр Сооронбай Жээнбеков, Жогорку Кеңештин депутаттары, Жогорку Соттун төрайымы жана башкалар катышты. Президент 11-декабрдагы референдум менен өлкө маанилүү иш жасаганын, мамлекеттин көз карандысыздыгын бекемдөөгө мүмкүнчүлүк ачылганын белгиледи. Кыргыз Республикасы эл аралык өнөктөштөрүн урматтай турганын, ошол эле учурда мамлекеттин көз карандысыздыгын сактоо башкы орунда каларын айтты.