Канадада белгисиз 3 адам мечитте намаз окуп жаткандарга карата ок чыгарып, 5 жаран каза болду

Канаданын Квебек шаарында мечитте ок атылып, 5 адам каза тапты. Бул тууралуу бүгүн, 30-январда чет элдик басылмалар жазып чыгышты.

Маалым болгондой, окуя 29-январь күнү жергиликтүү убакыт боюнча саат 20:00 чамасында болгон. Анда белгисиз 3 адам мечитте намаз окуп жаткандарга карата ок чыгарган. Акыркы маалыматтарга караганда, 5 адам каза болуп, жабыркагандар ооруканага жеткирилген. Ошондой эле полиция ок чыгаргандарды кармаганы белгилүү болду.

Учурда мечит укук коргоо органдарынын көзөмөлүндө. Ок атылган маалда мечитте 40ка жакын адам болгон.