Өлкөдө ВИЧ жугузган адамдардын саны 2 айда 117ге өстү

Үстүбүздөгү жылдын 1-январында Кыргыз жергесинде ВИЧ менен ооругандардын саны 7100гө жетти. Бул тууралуу бүгүн, 30-январда "Сорос-Кыргызстан" фондунан билдиришти.

Маалыматка ылайык, 2016-жылы ВИЧке чалдыккан 712 адам аныкталган. Саламаттыкты сактоо министрлигинин маалыматы боюнча, абал аймактарда начарлап жатат.

"ВИЧ тармагындагы эпидемиологиялык абал начарлап, 2020-жылы өлкөдө 20 миң учур катталып, 8 миң адам дарыланууга мүмкүнчүлүгү жок, алдын алуу программаларынын жоктугунан улам каза табышы мүмкүн. Дагы 20 миң оорукчан пайда болсо эмне болот? Бейтаптарга жылына дары-дармегине эле 4 миллион доллардай керек. Мамлекет азыр эле 1 миллион доллар бөлүп, алдын алса оңой болбойбу?" - деп жазылат фонддун маалыматында.

Эскерте кетсек, өлкөдө 2016-жылдын 1-ноябрына карата ВИЧ менен ооругандардын расмий көрсөткүчү 6983тү түзүп, анын ичинен Кыргыз Республикасынын жарандарынын саны 6617ге барабар болгон.