Өкмөт: "Дордой" базарындагы контейнерлердин жабылышы сезондук мүнөзгө ээ"

"Дордой" базарындагы контейнерлердин жабылышы сезондук мүнөзгө ээ. Бул тууралуу бүгүн, 31-январда өтмөттүк аппарат түшүндүрмө берип, аталган базардагы 18 миң контейнердин 6 миңи соода азайгандыгына байланыштуу ишин токтотконун айтты.

Мамлекеттик салык инспекциясынын статистикалык маалыматтарына ылайык, 2015-жылы "Дордой" базарындагы соода ишмердүүлүгүн жүргүзгөн ишкерлерге 125 542 ыктыярдуу патент берилсе, 2016-жылы 119 764 патент берилген.

"Дордой" базарындагы активдүүлүктүн кыш мезгилинде төмөндөөсү жыл сайын орун алып, ал сезондук мүнөзгө ээ. Бул туурасында базардагы соода жүргүзгөн ишмерлердин алган ыктыярдуу патент саны тууралуу маалымат тастыктайт”, - деп жазылат маалыматта.

Ошондой эле сооданын азайышына 2016-жылдын декабрь айында аталган базарда чатыр кулап, аны калыбына келтирүү боюнча оңдоо иштеринин жүрүшү себеп болгонун билдиришти.

Эске салсак, Бишкек шаарынын мэрия Албек Ибраимов маалымат жыйында 2016-жылы Бишкектеги эң ири "Дордой" базарында 6 миң соода түйүнү жабылганын айткан.