Ички иштер министри президентке кылмыштуулук менен кантип күрөшүп жатканын айтып берди

Президент Алмазбек Атамбаев 31-январда ички иштер министри Улан Исраиловду кабыл алып, коомдук коопсуздукту камсыздоо жана кылмыштуулук менен күрөшүү ишин талкуулашты. Министр президентке ички иштер органдарын реформалоо алкагында жасалып жаткан иштер тууралуу айтып берди. Алмазбек Атамбаев коомдук тартипти жана коопсуздукту камсыздоо, кылмыштуулуктун алдын алуу иштерин күчөтүү зарылдыгын белгилегенин маалымдады президенттик аппарат.

Жолугушууда милиция кызматкерлерин турак жай менен камсыздоо жана социалдык колдоо маселелери боюнча да сөз болду.