“Республика-Ата Журт” фракциясы өкмөттү отставкага кетирүү демилгесин колдогон жок

“Республика-Ата Журт” фракциясы өкмөттү отставкага кетирүү демилгесин колдобойт. Бул тууралуу бүгүн, 3-февралда аталган фракциянын лидери Өмүрбек Бабанов журналисттерге билдирди.

Эл өкүлү өкмөттүн аткарып жаткан иши канааттандырбай турганын, бирок отставкага кетирүү эрте экенин кошумчалады.

“Өкмөт бир эле премьер-министрден турбайт. Ал бир нече мамлекеттик мекемелердин, органдардын жетекчилеринен турат. Ошондуктан бүгүн биз Мамлекеттик каттоо кызматынын ишмердүүлүгүн карадык. Биз “Ата Мекен” фракциясынын демилгесин колдобойбуз”, - деди Бабанов.