Шашылыш билдирүү! 6-февралга чейин өлкөнүн тоолуу райондорунда кар көчкү түшүү коркунучу бар

3-февралдан 6-февралга чейин күтүлүп жаткан жаан-чачынга байланыштуу өлкөнүн тоолуу райондорунда, Бишкек-Ош унаа жолунун (Төө-Ашуу ашуусу) 121-138-чакырымдары, (Ала-Бел ашуусу, Чычкан капчыгайы) 198-265-чакырымдары, Мырзаке-Кара-Кулжа-Алайкуу унаа жолундагы 65-90-чакырымдары, Ала-Бука-Каныш-Кыя унаа жолунун 65-90-чакырымдары, Красная Горка-Ак-Таш унаа жолунун 1-9-чакырымдары, Казарман-Ак-Тал-Чат унаа жолунун (Кара-Көө ашуусу) 67-94-чакырымдарындагы (Ийри-Суу тилкесинин 42-44-чакырымдары) Каракол-Эңилчек унаа жолунун (Чоң-Ашуу ашуусу) 45-92-чакырымдары жана Барскоон-Ак-Шыйрак унаа жолунун Барскоон жана Сөөк ашуусунда (60-68-чакырымдары) кар көчкү түшүүсү жана кар күрткүсү сакталат, жолдор тайгак болуп, муз тоңот.

Унаалардын ортосунда 500 метр аралык сакталышы зарыл экенин Өзгөчө кырдаалдар министрлигинин басма сөз кызматы эскертет.