Супер-Инфо
super.kg видео
Муфтият жаштардын арасындагы суицид боюнча ата-энелерге кайрылуу жасады
Кыргыз мусулмандарынын муфтийи Максатбек ажы Токтомушев акыркы убактардагы жаштардын арасындагы өзүн өзү өлтүрүү (суицид) күчөп бара жатканын айтып, бул жаатта ата-энелер балдарга ыйман, адепти үйрөтүү менен туура тарбия, туура багыт берип, балага көңүл бурушу керек экенин баса белгилеген.
"Куранда "өзүңөрдүн жаныңарды жана үй-бүлөңөрдүн жанын тозоктун отунан сактагыла" деп айткан. Андыктан балдарга дин таалимин, ыймандуулукту үйрөтүшүбүз маанилүү. Жан, өмүр Алланын улуу белеги болуп саналат. Андыктан өзүбүздүн жаныбызды кадырлашыбыз керек", - деди Максатбек ажы Токтомушев.
Ошондой эле муфтий бул көйгөйдү олуттуу кароого чакырып, жаш муундарга түшүндүрүү иштерин байма-бай жүргүзүп, аларга жакындан көңүл буруш керек экенин баса белгиледи.
Эскерте кетсек, акыркы учурларда социалдык тармактарда "#морекитов", "#тихийдом", "#явигре" жана "#разбудименяв420" хештегдери менен бөлүшө баштаган өспүрүмдөр бар экени айтылууда.
0
1 |