Супер-Инфо
super.kg видео
ЭЛДИК КАБАР: Ала-Бука районунун Ызар айылынын эли таза суу менен камсыз болсо да, пайдалана албай келет
Ала-Бука районунун Ызар айылынын Миңбаев көчөсүнүн жашоочулары таза суу менен камсыз болсо да, пайдалана албай келишет. Бул тууралуу окурман WhatsApp аркылуу SUPER.KG порталына кабарлады.
"Тургундар илгертен саздын, сайдын суусун колдонуп келишкен. 2015-жылы сентябрь айында арабиялык уюм 4 жерден таза суу чыгарып берген, бирок ушул күнгө чейин аны пайдалана албай келебиз. Себеби суу электр мотору менен чыгат экен. Баатыр аттуу контролёр сууга атайын өзүнчө эсептегич коюу керектигин, киловаттына 2 сом 70 тыйындан төлөөрүбүздү айтыптыр. Карапайым элдин акчасы бар болсо, саздын суусун ичмек беле? Бөтөн эл суу менен камсыз кылып жатса, биздин аттуу-баштуулар кенедей болуп элди соруп жатышат", - деген окурман.
Урматтуу окурман, эгер сиз да ушул сыяктуу турмуштагы өзгөчө көрүнүшкө, коомдогу маданий, спорттук иш-чарага, жаратылыш кубулуштарына, жол кырсыгына, акция же митингдерге күбө болсоңуз, тезинен сүрөткө, видеого тартып, дүйнө жүзү менен бөлүшүңүз. Интернет ааламы, тагыраак айтканда, SUPER.KG жаңылыгыңызды заматта өлкөбүзгө, Жер жүзүндөгү мекендештерге жеткирет. Алар көрүп, окуп, сиздин кабарыңызга үн кошушат.
Сиз жаңылыкты кыскача баяндап Telegram же WhatsApp аркылуу +996 779 47-39-39 номерине жибериңиз. Ушул эле кызмат (приложение) аркылуу кабардын аудиосун, видеосун, сүрөтүн да жөнөтсөӊүз болот. Кабар саналуу мүнөттөрдүн ичинде порталыбыздын "Соңку кабар" бөлүмүнө чыгат.
0
1 |