Супер-Инфо
super.kg видео
ЭЛДИК КАБАР: Тоң районунда карышкырлардын үйүрү айылдагы адамдарга жана малга кол салды
Ысык-Көл облусуна караштуу Тоң районунун Калкагар айылында кечээ, 5-февралда саат 5:30 чамасында карышкырлардын үйүрү айылдагы адамдарга жана малга кол салды. Бир адам ооруканага жеткирилип, бирөө жеңил жаракат алган. Бул тууралуу SUPER.KG порталына окурман бүгүн, 6-февралда WhatsApp аркылуу билдирди.
"Карышкырлар иттердин башын, тоокторду чайнап, койлорду, аттарды тиштеген. Ошол учурда айылдын тургуну короосуна чыкса, ага да кол салып, колун чайнап, санын тиштеп алган. Ага жардамга эки киши келип, карышкырды өлтүрүшкөн. Калган жырткычтар качып кетишкен. Учурда ооруканадагы адамдын абалы жакшы", - деди ал.
Урматтуу окурман, эгер сиз да ушул сыяктуу турмуштагы өзгөчө көрүнүшкө, коомдогу маданий, спорттук иш-чарага, жаратылыш кубулуштарына, жол кырсыгына, акция же митингдерге күбө болсоңуз, тезинен сүрөткө, видеого тартып, дүйнө жүзү менен бөлүшүңүз. Интернет ааламы, тагыраак айтканда, SUPER.KG жаңылыгыңызды заматта өлкөбүзгө, Жер жүзүндөгү мекендештерге жеткирет. Алар көрүп, окуп, сиздин кабарыңызга үн кошушат.
Сиз жаңылыкты кыскача баяндап Telegram же WhatsApp аркылуу +996 779 47-39-39 номерине жибериңиз. Ушул эле кызмат (приложение) аркылуу кабардын аудиосун, видеосун, сүрөтүн да жөнөтсөӊүз болот. Кабар саналуу мүнөттөрдүн ичинде порталыбыздын "Соңку кабар" бөлүмүнө чыгат.
2
кундузу эле кол салганына
караганда.
Ал жакта мергенчи жокру
Чыккыла талаага мылтык которуп алып кечке чейин 2-3карышкыр атып олтурсонор канча акча табасынар...