2012-жылы Кыргызстандагы темир жолдорго 57 миң 366 даана шпала төшөлгөн

2012-жылы Кыргызстандагы темир жолдорго 57 миң 366 даана шпала төшөлгөн. Бул тууралуу “Кыргыз темир жолу” ишканасынын басма сөз катчысы Эркин Каимов билдирди. Анын айтымында, былтыр жалпысынан 21,5 чакырым темир жол оңдоодон өткөн. Анын ичинде 33 миң 917 жыгач шпалалар темир шпалаларга алмаштырылган. “Бул үчүн Бишкектеги темир-бетон заводу менен сүйлөшүп, темир шпалаларды жасатууну колго алдык”,- дейт Каимов.