СУПЕРСТАН: "Кыргызстанга кайтып барарыма көзүм жетпейт"

SUPER.KG порталынын "Суперстан" бөлүмүндө "Орусиядагы кыргыздар массалык түрдө мекенине кайтып келишеби?" деген тема талкууга алынууда.

Темадагы билдирүүлөрдөн:

"Массалык түрдө барбасак да, акырындан бутка тургандан кийин баарыбыз кетебиз. Эч кимдин бул жакта калайын деген ою жок".

"Өзүмдү эле айта кетсем, беш жыл жогорку окуу жайда окудум, кызыл диплом менен бүтүрдүм. Эки жыл университетте иштедим, 3,5 миң айлык алып. Үй-бүлөнү аз айлык менен багыш кыйын экен, Орусияга келе бердим. Кудайга шүгүр, иштеп жатам, айлыгымдын жашаганыбыздан артканын үйгө салып, кичине болсо да топтогонго жетиштик. Менден башка беш группалашым да Москвада иштеп жүрүшөт. Жумуш орду жок болгон соң дипломдун пайдасы жок экен да. Анан массалык түрдө мамлекетке ким, кантип кайтат?"

"Азырынча массалык түрдө кайтуусу кыйын. Мекенибизде жумушсуздук дале күчүндө, буюрса, качандыр бир жылдары кайтышы мүмкүн".

"Орусиядан башка жакка деле кетип жатышпайбы".

"Кайтып барышат жана барабыз, массалык түрдө эмес, өлкөбүздө чакан бизнес ачканда же акча табууга мүмкүнчүлүк түзүлгөндө".

"Мекениме кайтып барарыма көзүм жетпейт. Бирок, Кудай буюрса, жок дегенде 10 кыргызды жумуш менен камсыз кылууга аракет жасайм, бизнес ачып дегендей".

Талкууга кошулгуңуз келсе, бул жакка кириңиз.