Жеңиш күнүн согуштун ардагерлери президент Алмазбек Атамбаев менен бирге белгилешет

9-Май - Жеңиш күнүн майрамдоого Бишкек шаардык мэриясы 10 миллион сом сарптайт. Бул тууралуу бүгүн, 30-апрелде вице-мэр Айгүл Усубакунова билдирди. Айтымында, 3-майда Боордоштор көрүстөнүндө согуштун баатырларын эскерүү митинги болот. “7-майда “Сейтек” балдар жана өспүрүмдөр борборунда майрамдык кече уюштурулат. Ушул эле күнү Жеңиш аянтындагы өчпөс отко гүл коюлуп, Панфилов эстелигине чейин факел кармап жөө жүрүш уюштурулат”,- деди Усубакунова.

Ал эми 9-майда президент Алмазбек Атамбаевдин катышуусу менен Жеңиш аянтында эскерүү митинги болуп, атайын даярдалган жайда Улуу Ата Мекендик согуштун ардагерлерине фронттук ботко берилмекчи. "Ал эми Түштүк Дарбазада майрамдык концерт болот”,- деди Усубакунова.