21-февралда өлкө аймагында "Экспорт кербени" иштеп баштайт

Бүгүн, 9-февралдагы маалымат жыйынында экономика министринин орун басары Элдар Абакиров өлкө аймагында "Экспорт кербени" ишке кирерин кабарлады.

Белгилүү болгондой, "Соодага көмөктөшүү" аталышындагы эл аралык долбоорго ылайык, 21-февралдан 20-мартка чейин өлкөнүн бардык облустарында ири маалыматтык кампания иш алып барат.

"Экспорт кербенинин" максаты - ата мекендик өндүрүшчүлөргө киреше тууралуу маалымат берип, экспорттоо шарттары, өндүрүүчүлөрдүн санын, керектөөчүлөрдүн суроо-талабын аныктоо менен бирге сырткы рынокко чыгууга үйрөтүү. Долбоор аркылуу өндүрүшчүлөр учурда иштеп жаткан экспорттук компанияларды жана товарды башка мамлекетке чыгаруу үчүн эмне кылуу керектигин биле алышат.