Ош шаарынын 3 аймагында Wi-Fi түйүнү иштей баштады

Ош шаарынын Түштүк-Чыгыш кичи районунда интернетке акысыз чыгууга мүмкүн болгон 3 аймак же Wi-Fi түйүнү иштеп баштады. Интернетке бекер кошулуунун жаңы аймагы аталган кичи райондогу Жеңиш сейил багында жайгашкан. Ош шаардык мэриясы тарабынан шаар тургундары жана студенттер үчүн мындай түйүндөрдү дагы көбөйтүү пландалууда. Белгилей кетсек, мындан башка Wi-Fi түйүндөрү шаардагы “Алымбек датка” комплексинде жана Раззаков көчөсүндө жайгашкан "Чынар Терек" сейил багында элге кызмат кылууда.