13-февралдан тарта паспортту тез арада алуу наркы кымбаттайт

13-февралдан тарта паспортту тез арада алуу наркы кымбаттайт. Бул тууралуу бүгүн, 10-февралда Мамлекеттик каттоо кызматынын басма сөз кызматы кабарлады.

"Кыргыз Республикасынын Өкмөтүнүн 2012-жылы 10-февралда кабыл алган “Аткаруу бийлигинин органдары, алардын түзүмдүк бөлүмчөлөрү жана ведомстволук мекемелери көрсөтүүчү мамлекеттик кызмат көрсөтүүлөрдүн бирдиктүү реестрин (тизмегин) бекитүү жөнүндө” токтомуна жана "Мамлекеттик каттоо кызматы көрсөткөн акылуу кызматтарынын тарифтеринин наркын бекитүү" буйругуна ылайык, 2017-жылы 13-февралдан тарта паспортторду тез арада бүтүрүү кызматы жаңы акы менен көрсөтүлөт", - деп айтылат маалыматта.

Эскерте кетсек, 4-январдан тарта тез арада паспорт алуу төлөмү убактылуу төмөндөгөн. Ошондой эле Жарандык ал-абалдын актыларын жана калкты каттоо департаменти көрсөткөн кызматынын дагы акысы өзгөртүлгөн.