Бишкекте мыйзамсыз салынган "Домино" кафеси сүрдүрүлдү

2017-жылдын январь айынын башында мэриянын №1-токтому менен Бишкек шаарынын аймагындагы мыйзамсыз курулуштарды жоюу жана алдын алуу боюнча ыкчам штаб түзүлгөн.

Азыркы учурда Бишкек шаарынын мэриясынын Жер пайдалануу жана курулуш башкармалыгынын кызматкерлери “Домино” кафесин сүрдүрүүдө. Аталган кафе Панфилов-Абдумомунов көчөлөрүнүн кесилишинде жайгашкан. Капиталдык курулуштун ээси - У.С.

"Сүрдүрүү иштери Бишкек шаарынын аймагындагы мыйзамсыз курулуштарды жоюу жана алдын алуу боюнча ыкчам штабдын иштеринин алкагында жүргүзүлүүдө. Штабдын курамы мэриянын түзүмдүк бөлүмдөрү, Жогорку Соттун алдындагы Сот департаменти, өкмөткө караштуу Мамлекеттик экологиялык-техникалык инспекциянын Бишкек шаары боюнча башкармалыгы менен тыгыз иш алып барышат", - деп айтылат маалыматта.

Жакын арада тиешелүү уруксат документтери жок, мыйзамсыз курулган бир нече курулуш сүрдүрүлөт.