2017-жылы Свердлов районундагы 14 унаа жолу оңдолот

2017-жылы Свердлов районунда жалпы узундугу 24,69 чакырымды түзгөн 14 көчө оӊдолот. Бул тууралуу Бишкек мэриясынын басма сөз кызматы билдирди.

Капиталдык курулуш башкармалыгынын берген маалыматы боюнча, 1-марттан баштап төмөнкү көчөлөрдүн жолдорун реконструкциялоо жана реабилитациялоо иштери жүргүзүлө баштайт:

- Көлбаев көчөсү Лермонтов көчөсүнөн Ауэзов көчөсүнө чейин;

- Лермонтов көчөсү Чүй кеӊ көчөсүнөн Жибек-Жолу кеӊ көчөсүнө чейин;

- Орозбеков көчөсү Жибек-Жолу кеӊ көчөсүнөн Саадаев көчөсүнө чейин;

- Щербаков көчөсү Тоголок Молдо көчөсүнөн Элебесов көчөсүнө чейин;

- Саадаев көчөсү Тоголок Молдо көчөсүнөн Орозбеков көчөсүнө чейин.

Азыркы күндө аталган көчөлөрдө жолду оӊдоого тоскоол болгон жеӊилдетилген типтеги объектилерди алуу иштери жүргүзүлүүдө. Жалпы 942 объект алынат.