Бишкекте уюшкан кылмыштуу топтун мүчөсү кармалды

Бишкек шаарынын ички иштер башкы башкармалыгынын уюшкан кылмыштуу тобуна каршы күрөшүү бөлүмүнүн кызматкерлери үстүбүздөгү жылдын 31-январында борбор шаардын Октябрь районунун аймагында Талас облусунун тургуну, Сокулук районунда жашап жаткан 31 жаштагы Р.Б. кармалган. Бул тууралуу Бишкек шаардык ички иштер башкы башкармалыгынын басма сөз кызматы бүгүн, 13-февралда билдирди.

Аталган жаран ички иштер министрлигинде уюшкан кылмыштуу топтун мүчөсү катары каттоодо турат.

"Бишкек шаарынын Скрябин көчөсүндөгү №76-үйдүн маңдайында жайгашкан унаа токтотуучу жайда жүргүзүлгөн ыкчам-издөө иш-чараларынын алкагында, кармалган Р.Бга тийиштүү БМВ-735 унаасы издөөгө алынган. Унаанын айдоочунун отургучунун астында "Макаров" мылтыгы 4 огу менен табылган. Ошондой эле анын өзүн текшерүүгө алганда шымынын оң чөнтөгүндө 7 грамм гашиш табылган", - деп билдиришкен башкармалыктан.

Бул факт боюнча Биринчи Май РИИБи Кылмыш-жаза Кодексинин 241 жана 246-беренелери боюнча кымыш иши козгогон. Кармалган жаран убактылуу кармоочу жайга киргизилген.