Кош бойлуу Бейонсе "Грэмми" сыйлыгында шоу тартуулады (фото)

Америкалык белгилүү ырчы Бейонсе кош бойлуу экенин тастыктагандан кийин "Грэмми" музыкалык сыйлыгынын уюштуруучулары ырчы аземге катышуудан баш тартышы же эч кандай шоу көрсөтпөшү мүмкүн деп чочулап жатышканы тууралуу чет элдик басылмалар буга чейин жазып келишкен. Бирок бул чочулоолор кечээ, 12-февралда жокко чыккан. Бул ирет ал сыйлык алуу боюнча алдыга чыга албаса да, өзгөчө номери менен эсте калган.

Кечеде Бейонсе "Love Drought" жана "Sandcastles" аттуу эки чыгармасын аткарган. Көнүмүш бийден бул ирет баш тартууга туура келген. Ал сахнага ачык көйнөк менен чыгып, бийчилердин коштоосу менен чалкалаган отургучта отуруп ырдап, коопту трюк аткарган. Мындан тышкары, ырчынын сахнадагы апасы жана кызы Блу Айвинин голографиялык сүрөтү да көрк кошкон.

2017-жылы Бейонсе "Мыкты музыкалык видео" ("Formation") жана "Lemonade" альбому "Урбан стилиндеги мыкты альбом" номинациясы боюнча 2 сыйлыкты алып кетти.