Өкмөт сырткы видеобайкоо системине коюлуучу техникалык талаптарды аныктайт

Кыргыз Республикасынын “Сырткы видеобайкоо жөнүндө” мыйзамына өзгөртүү киргизүү тууралуу” мыйзамга президент Алмазбек Атамбаев 13-февралда кол койду. Документти Жогорку Кеңеш 2017-жылдын 12-январында кабыл алган. Жаңы мыйзам 23-февралдан тарта күчүнө кирет.

Демилгечилер видеобайкоо системин коомдук жайларга орнотуу күндөн күнгө жайылтылган көрүнүш болуп баратканын, объектин ээси кылмыштуулук менен күрөш жүргүзгөн мамлекеттик орган менен айланасын башка жактан кайталабагыдай абалда көрүнүп туруу ракурсун макулдашуусу керектигин айтышкан эле. Тагыраагы, сырткы видеобайкоо системине коюлуучу техникалык талаптар өкмөт тарабынан аныкталуусу зарыл экени айтылган. "Тийиштүү мыйзамга ылайык, орнотулган техникалык параметрлер видеокамераларды орнотууга милдеттүү болгон бардык мекемелер тарабынан аткарылууга тийиш", - дешкен авторлор.