Кара-Суу районунда "Хизбут-Тахрирдин" активдүү мүчөлөрү кармалды

Ош облусунун Кара-Суу районунда "Хизбут-Тахрирдин" активдүү мүчөлөрү кармалды. Бул тууралуу ИИМдин басма сөз кызматы 14-февралда билдирди.

Маалыматка караганда өткөн жылы сентябрь айында Ош шаарындагы мечиттердин биринин имамы кармалган. Тинтүү учурунда алынган материалдар тийиштүү экспертизага жөнөтүлгөн. Жыйынтыгында алар "Хизбут-Тахрир" уюмунун жана ИГИЛдин идеяларын пропаганда кылат деген чечим чыккан. Факты боюнча кылмыш иши козголгон эле.

Ошол кылмыш иштин алкагында ушул жылдын 10-февралында Кара-Суу районундагы кафелердин биринен аталган уюмдун активдүү мүчөсү катары 8 адам кармалды. Үчөөсүнүн жашаган жери текшерилип, экстремисттик мүнөздөгү видеоматериалдар алынды. Алардын бири Т.И. буга чейин экстремизм боюнча кылмыш жообуна тартылганы белгилүү болду.