"Милиция кызматкерлерине болгон элдин ишенимин жогорулатуу керек" деди Жантөрө Сатыбалдиев

"Кыргызстанда МАИчилерге жана аймактык милиция кызматкерлерине болгон элдин ишенимин жогорулатуу керек". Бул сөздү бүгүн, 30-апрелде премьер-министр Жантөрө Сатыбалдиев айтты. Ал билдиргендей, мамлекеттик жол кыймылын көзөмөлдөө башкы башкармалыгында реформа жүргүзүү учурдун талабы. Ошондой эле мектеп рэкетчилиги менен шылуундукту токтотуу үчүн жашы жете элек өспүрүмдөр менен иш алып баруучу инспекторлордун ишин күчөтүү керектигин кошумчалап, “милиция кызматкерлери элге жакын болушу керек”,- деди Сатыбалдиев.