ЖЫЛНААМА, 16-ФЕВРАЛЬ: 183 жыл мурун "экология" терминин ойлоп тапкан табият таануучу жана философ Эрнст Геккель төрөлгөн

Мындан 183 жыл мурун, 1834-жылы 16-февралда германиялык табият таануучу жана философ, "экология", "филогенез", "питекантроп" терминдеринин автору Эрнст Геккель Потсдам шаарында туулган. Берлин, Вюрцбургск жана Вена университеттеринде медицина жана табият илимдерин окуган. 1958-жылы экзамен тапшырып, дарыгердин дипломун алган, бирок кийин эч качан бул тармакта иштеген эмес. Аны жаратылышты изилдөө, зоология жана микроскопиялык анатомия кызыктырган.

Чарльз Дарвиндин идеялары ага чоң таасир берген. 1866-жылы "Организмдердин жалпы морфологиясы" аттуу китеби чыккан. 1874-жылы "Адамдын өнүгүшүнүн тарыхы" аттуу китебинде адамдын эволюциясынын көйгөйлөрү тууралуу жазылган. Геккель биринчи болуп жаныбарлар падышалыгынын генеалогиялык багын түзгөн.

1891-жылдан баштап Геккель эволюциялык теориянын философиялык аспектилерин иштеп чыгуу менен алектенет. 1919-жылы 9-августта Йене шаарында көз жумган.

16-февралга карата жылнаама