Бишкекте анимация жана косплей фестивалы өтөт

11-майда Бишкектеги М.Жангазиев атындагы Мамлекеттик куурчак театрында анимация жана косплей фестивалы өтөт. Иш-чарада уюштуруучулар тарабынан анимациялык каармандардын образдары көрсөтүлүп, музыкалык номерлер менен коштолот жана башка оюн-зооктор тартууланат. Айта кетсек, анимациянын басымдуу бөлүгү өспүрүмдөр жана чоңдор үчүн арналат. Ал эми косплей - "костюмдаштырылган оюн" деп которулат жана анда белгилүү каармандын образдары костюмдардын жардамы менен чагылдырылып, актёрлор ошол каармандай болуп сүйлөп көрүүчүнү кызыктырат.