Нарын шаарында 1-Май майрамы белгиленди

Иш-чаранын жүрүшүндө мамлекеттик мекеме кызматкерлери басымдуулук кылды

Иш-чарага жана майрамдык кечеге күбө болушкан шаар тургундары

Иш-чаранын жүрүшүндө мамлекеттик мекеме кызматкерлери басымдуулук кылды

Жетекчилер куттуктоо сөздөрүн сүйлөшүүдө

Бүгүн, 1-Май - Эмгекчилердин эл аралык тилектештик күнүнө карата Нарын шаарынын борбордук аянтында майрамдык иш-чара болуп өттү. Бул тууралуу шаардык мэриянын басма сөз кызматы билдирет. Иш-чараны шаар мэри Баатырбек Жээналиев ачып, "быйылкы өткөрүлүп жаткан 1-Май - Эмгекчилердин эл аралык тилектештик күнүн майрамдоо президент жарыялаган “2013-жыл - Иштерман жылына” туура келүүдө. Баарыңыздарды бүгүнкү майрамыңыздар менен куттуктайм”,- деди.

Андан соң өкмөттүн Нарын облусундагы өкүлүнүн орун басары Чынара Абдраимакунова, Кесип бирликтеринин Нарын облустук кеңешинин төрагасы А.Молдалиев, Нарын облустук жеке ишкерлер ассоциациясынын төрагасы Р.Адиев куттуктоо сөздөрүн айтышты. Майрамдык иш-чаранын жүрүшүн концерттик программа коштоду.