Бишкекте Twitter, NASA, Linkedin сыяктуу ири компанияларда иштеген аял-лидерлер жаштар менен жолугушат

28-февралда Бишкекке "Маалымат жана коммуникация технологиялары жумалыгынын" жана Кыргыз жергесиндеги IT-форумдун алкагында "TechWomen" делегациясы менен жолугушуу өтөт. Бул тууралуу уюштуруучулар кабарлашты.

Маалыматка ылайык, делегацияда ири IT-компанияларда, илимде, технологияларда, инженерияда, математикада ийгиликке жетишкен, ар кайсы өлкөдөн чыккан аял-лидерлер бар.

"Дүйнө жүзүн кыдырып, жаштар менен жолугуп, талкууларды жүргүзүп, жаштарды IT тармагында окууга үндөп, кызыктырышат", - деп айтылат маалыматта.

Алардын арасында төмөнкү компаниялардын өкүлдөрү болмокчу:

• Нандани Романи Twitter (Вице-президент, инженер);
• Лидия Швец, NASA (Программалык директор);
• Рима Акрас, Linkedin (Техникалык рекрутер)
• Деванши Шет, Symantec (Башкы программалык менеджер);
• Кико Смит, Twitter (өзгөчө кырдаалдардагы маселелер инженери).

Делегацияда жалпысынан 16 адам болот. Жолугушууга өлкөдөгү IT-компаниялардын өкүлдөрү, студенттер, мамлекеттик ишмерлер чакырылышат. Ага катышуу бекер, алдын ала жазылуу зарыл экенин кошумчалашат уюштуруучулар.