Супер-Инфо
super.kg видео
ТЕСТ: Эр-жигит эл четинде, ...?
Бүгүн, 23-февраль - Ата Мекенди коргоочулардын күнү. Бүгүнкү күн мырзалардын майрамы деп белгиленип жүрөт. Анткени, мекенди коргоо милдети биринчи кезекте мырзаларда. Кыргызда баатырдык, эрдик сапатка берилген баа макал-лакаптарда камтылуу. Тестте мекенди коргоо, эр жигиттик жөнүндө макал-лакаптар. Аларды толуктап, улантыңыз. Майрамыңыздар менен!
1
2
3
4
5
6
7
8
9
10
11
12
13
14
Баатырдык билекте эмес...?
"Баатырдык билекте эмес, жүрөктө".
... тилекте
... жүрөктө
... сынакта
Жигитке канча өнөр аздык кылат?
Эл арасында кеңири колдонулуп жүргөн макал - "Жигитке жетимиш өнөр аздык кылат". Көп ишке жөндөмдүү адамдарга карата берилген баа.
Элүү
Алтымыш
Жетимиш
Чечен доодо таанылат. Баатырчы?
"Чечен доодо таанылат, баатыр жоодо таанылат". Буга үндөш мындай да макал бар: "Жоого барсаң баарың бар, доого барсаң бириң бар".
Тоодо
Жоодо
Тойдо
Жакшы жигит сыртта мырза, үйдө....?
"Жакшы жигит сыртта мырза, үйдө кул".
... кул
... тирек
... коркок
Жоону сайса эр сайды...?
"Жоону сайса эр сайды, аты калды Манаска". "Манас" эпосунан. Жоону Манас өзү жалгыз эмес, жоокерлер кошо жеңип, бирок элге Манастын гана даңкы чыкканына карата айтылган сөз.
... аты калды Таласка
... аты калды Манаска
... аты калды Кыргызга
Үйдө баатыр, жоодо...?
"Үйдө баатыр, жоодо жок". Бул макал бүгүнкү күнгө чейин эл арасында кеңири колдонулат. Мисалы, тар чөйрөдө сайрап сүйлөп, эл алдына чыкканда түзүктөп сөз сүйлөй албай калгандарга карата да айтылып жүрөт.
... шок
... куудул
... жок
Чептен эрдин ... бек. Туура сөздү табыңыз.
"Чептен эрдин күчү бек". Жоомарт Бөкөнбаевдин поэмасы. Жоодон коргонуу үчүн элдин курган чеби улам урап түшө бергенде, аксакалдардын бири чеп бекем болушу үчүн жанына тирүү адамды көмүүнү сунуштайт. Ошондо өлүмгө бир жаш жигит бел байлап чыгат.
... күчү
... сүрү
... үнү
Чечен сөз баштайт, баатыр...?
"Чечен сөз баштайт, баатыр жол баштайт". Илгери урушка же жортуулга аттанганда жоокерлерди баатырлар башкарган. Макалды баатыр кол баштайт деп да колдонсо болот.
... чет качпайт
... жөн жатпайт
... жол баштайт
Баатырдын атын алыстан ук...?
"Баатырдын атын алыстан ук, жанына келсең бир киши".
... жанына такыр жолотпойт
... жанына келсең бир киши
... жанынан көрсөң кейийсиң
Эр жигит эл четинде ....
"Эр жигит эл четинде, жоо бетинде". Мекенди коргоо милдети биринчи кезекте жигиттерде экени талашсыз.
... жоо бетинде
... соо кезинде
... жоо жеринде
Эр жигиттин ичине...?
"Эр жигиттин ичине ээртокумчан ат батат". Адатта чыгармаларда баатырлар март, майдаланып отурбаган ала көөдөн катары сүрөттөлөт. Бул макал да жигиттик кенендикти сүрөттөйт.
... эбин тапсаң там батат
... ээр токумчан ат батат
... эсеби жок мал батат
Баатыр мактанса бир октук, бай мактанса ...?
"Баатыр мактанса бир октук, бай мактанса бир жуттук". Каргаша келем десе, бир заматта деген ой. Жут каптаса жер жайнаган мал саналуу күндө кырылып калары белгилүү. Ошондой эле баатырдын тагдыры да кылдын учунда.
... бир жуттук
... бир күндүк
... бир базарлык
Ат башына күн түшсө, ооздугу менен суу ичет... Макалды толуктаңыз?
"Ат башына күн түшсө, ооздугу менен суу ичет", "Эр башына күн түшсө, өтүгү менен суу кечет". Мекенди, элди коргоодогу жигиттердин милдетин баса белгилеген мыкты салыштыруу.
... эр башына күн түшсө азуусу менен жип чечет
... эр башына күн түшсө маңдайы менен тоо сүзөт
... эр башына күн түшсө өтүгү менен суу кечет
Эл четине жоо келсе...?
... ат аяган жигитпи
... жан аяган жигитпи
... үйдө жаткан жигитпи
"Гүлсарат", "Ак кеме"... Айтматовдун чыгармаларын унута элексизби?
Сиздин упайыңыз
6
1 | 2 |