СУПЕРСТАН: "Кыргыздын бычакка сап, намыскөй мырзалары, майрамыңар менен!"

SUPER.KG порталынын "Суперстан" бөлүмүндө "Мекен коргоочуларын куттуктайбыз" деген тема талкууга алынууда.

Темадагы билдирүүлөрдөн:

"Толкун болот деңиздин күчтүү жери, Толкундай бол, кыргыздын жигиттери! Майрамыңыздар менен, биздин коргоочулар!"

"Бар болгула, бардык керектүү, жакшы нерселерге бай болгула! Коргогула, корголгула, айым алдында биринчи козголгула! Тез болгула, ыйман жактан тең болгула! Темир болгула, эл-журтка кеңир болгула! Сыйлагыла, сыйлангыла, жашоонун таттуулугунан жыргагыла! Мекенди, туулган жерди, кичи мекениңди, кичинекей мамлекет - үй-бүлөңөрдү сүйгүлө, аларга чаң жугузбай коргой жүргүлө. Эң негизгиси, мыкты ата болгула!"

"Жигиттер азайганда кыздар коргойт мекенди, жадакалса кээде үй-бүлөнү да сактайт экен, аялзаты балдарын, күйөөсүн кошо багат, бар болгула, кыргызымдын кыздары! Капа болбогула, кыргызымдын жигиттери, силерсиз кыздар дагы үй-бүлө боло алабы, аскерге барбасаң да үй-бүлөңдү коргой бил, кыргыз кызын коргой бил, намысыңды коргой бил, мекениңди коргой бил".

"Чыныгы мекенди жана бизди коргоочулар, майрамыңар менен".

"Интернетте эжелер аскерге баргандарды куттуктап жатат го, а мектепте бизди классташ кыздарыбыз, эжекелер куттуктап жатышат го. Ошого бул өзү кимдердин майрамы деп түшүнбөй калдым. Аскерге баргандардынбы?"

"Ушу аскерге барып келген "братандарды" көрсөм эле сүйүнө берем. Чыныгы жана сапаттуу эркектер, "дедовщина" көрүп, автомат атып, "зыңк" болуп келишкен".

"Кыргыздын бычакка сап, намыскөй мырзалары, майрамыңар менен! Ден соолугуңар бекем болуп элибиздин кызматында болгула! Жигит, эркек деген сөзгө татыктуу болушуңарды каалайм".

Талкууга кошулгуңуз келсе, бул жакка кириңиз.