“Лестер” чемпиондукка алып келген машыктыруучусу Клаудио Раньерини иштен бошотту

Англиялык «Лестер» клубу башкы машыктыруучусу Клаудио Раньерини иштен бошотту. Бул тууралуу клубдун расмий сайты кабарлайт.

Мындай чечим команданын быйылкы сезондо көрсөткүчү канааттандырарлык эмес болгондуктан келип чыкты. Клубдун жетекчилиги машыктыруучуну алмаштырууну туура көргөн. Учурда “Лестер” Англия Премьер-лигасында 17-орунда келе жатат.

Белгилей кетсек, 65 жаштагы италиялык машыктыруучу Клаудио Раньери “Лестерде” 2015-жылы иштеп баштап, клубдун 133 жылдык тарыхында алгачкы жолу чемпиондукка жеткирген. Быйылкы жылы Чемпиондор Лигасында ойноп баштаган клуб, жарым чейрек финалдын алгачкы беттешинде конокто “Севильяга” 2:1 эсебинде жеңилип калган.