Бишкекте окуучулар арасында өткөн "Жоокер ыры" аскердик-патриоттук ыр сынагынын жеӊүүчүлөрү аныкталды

Бишкекте мектеп окуучулары арасында өткөн "Жоокер ыры" аскердик-патриоттук ыр сынагынын жеӊүүчүлөрү аныкталды. Бул тууралуу Бишкек шаардык мэриянын басма сөз кызматы бүгүн, 24-февралда маалымдады.

"Сынактын максаты - чыгармачылык аркылуу катышуучулардын патриоттук сезимин көтөрүү, тарбиялоо. "Патриоттук ыр" номинациясы боюнча 1-орунду Айзан Усупбаева, 2-орунду Акмарал Акылбекова алса, 3-орунду Роза Дүйшеева алган. Ал эми "Аскер темасындагы ырлар" номинациясы боюнча 1-орунду Роман Чеснов ээлесе, 2-орунду Олжобай кызы Гүлкан жана 3-орун Бермет Кундашевага буюрган", - деп айтылат маалыматта.

Ошондой эле Алина Волочкова, Алина Турганбаева, Суннатбек уулу Эрлан, Мейилкан Темирова, Дарья Дудашвили, Алина Балабина, Ботогоз Иргебаева, Асылбек кызы Айбурул атайын белектерге ээ болушкан.