Whatsapp`та статусту кызыктуу жаза тургандай жаңы функция пайда болду

WhatsApp`та белгилүү убакыттан кийин өчүп калган статустарды жазууга мүмкүн болгон жаңы функция пайда болду. 24 сааттан кийин өзү жоголуп кете турган статусту сүрөт же видео менен кооздоп, ага жазуу жана стикер кошуп койсо болот. Статусту тиркемедеги камера аркылуу жаңыртуу керек. Башка бирөөнүн статусуна комментарий жазып калтыруу мүмкүнчүлүгү дагы бар. Ошондой эле жаңы функция аркылуу колдонуучу өзүнүн статусун кимдер көрө аларын башкара алат.

Функцияны иштеп чыккандардын айтымында, статустун жаңы түрү колдонуучуларга досторун маанилүү жаңылык менен кабардар кылуусуна жардам берет. Компаниянын өкүлдөрү бул месенжерде отургандардын көпчүлүгү статусту сүйлөшүү үчүн жазышарын байкап, аталган функцияны кошушкан. Белгилей кетсек, мындай мүмкүнчүлүк Snapchat жана Instagram`да дагы бар.

Эскерте кетсек, жогорудагы жаңы функциянын кызматынан колдонууну кааласаңыз, телефонуңуздагы тиркемени "Плеймаркетке" кирип жаңылап алуу жетиштүү. Ошондой эле быйтыкчалар топтомуна дагы жаңылары кошулуп калганын байкайсыз.