Жактоочу: "Өмүрбек Текебаев суракка кирип кеткен боюнча эч кандай маалымат жок"

"Өмүрбек Текебаев суракка кирип кеткен боюнча эч кандай маалымат жок", - деп бүгүн, 26-февралда SUPER.KG порталына анын жактоочусу Таалайгүл Токтакунова билдирди.

Анын айтымында, депутат эртең мененки саат 10:00дө суракка кирип кеткен. "Мыйзам боюнча 48 саат ичинде баш коргоо чарасы каралат. Текебаевдин камакка алынышы расмий каттоодон болжол менен саат эртең мененки 5:00дө өттү", - деди ал.

Белгилей кетсек, 26-февралда "Ата Мекен" фракциясынын лидери Өмүрбек Текебаевдин Башкы прокуратура тарабынан "коррупция" жана "алдамчылык" беренелери боюнча козголгон кылмыш ишинин негизинде УКМК кызматкерлери кармап кетишкен.