ЖЫЛНААМА, 27-ФЕВРАЛЬ: Эл аралык ак аюулардын күнү

Бүгүн, 27-февраль - Эл аралык уюлдук аюулардын күнү. Бул күндү белгилөөнүн максаты - ак аюулар тууралуу маалымат таратуу жана аларды коргоо керектигине коомчулуктун көңүлүн буруу. Уюлдук аюулардын эл аралык майрамында экологиялык жана жаратылышты коргоо уюмдары түрдүү иш-чараларды уюштурушат. Орусия, Норвегия, Канада, Гренландия жана Америка Кошмо Штаттары (Аляска) майрамды жогорку деңгээлде белгилешет. 2008-жылдын май айында АКШ бул жаныбарды Кызыл Китептеги жоголуп кетүү коркунучунда турган түрлөрдүн катарына кошкон. Маалыматтарга караганда, Арктикадагы муздардын эриши 2050-жылда ак аюулардын үчтөн эки бөлүгүнүн жок болушуна алып келиши мүмкүн.

Чоң уюлдук аюулардын салмагы 350дөн 550 килограммга жетет. Ал эми тарыхтагы эң чоң деп катталган ак аюунун салмагы 1 тоннаны түзгөн. Ургаачы аюулардын орточо салмагы 150дөн 300 килограммга чейин болот.

27-февралга карата жылнаама