“Барселонанын” машыктыруучусу Луис Энрике кызматынан кетет

Учурдагы “Барселонанын” башкы машыктыруучусу Луис Энрике быйылкы сезондун соңунда кызматынан кетет. Бул тууралуу аталган клубга шилтеме берип, чет элдик булактар жазат.

46 жаштагы машыктыруучу клуб менен жайга чейин иштейт. Луис Энрике 2014-жылдан тарта «Барселонаны» машыктырып, 2 жолу Испан чемпиондугун, Испан кубогун 2 жолу, Испан Суперкубогун, Чемпиондор Лигасын жана УЕФА Суперкубогун 1 жолудан жеңген.

Белгилей кетсек, кечээ “Барселона” Ла лиганын 25-турдук оюнунда хихондук “Спортингди” 6:1 эсебинде утуп, 57 упайы менен чемпиондукта 1-орунга көтөрүлдү. Ал эми мадриддик “Реал” 24 оюндан кийин 56 упайы менен 2-орунда келе жатат.