Башкы прокуратура: "Нариман Түлеевдин камактан чыгарылуусун Биринчи Май райондук соту чечет"

Нариман Түлеев камактан бүгүн чыгарылышы керек, бирок аны Биринчи Май райондук соту чечет. Мындай маалыматты Баш прокуратуранын басма сөз кызматы билдирди. "Нариман Түлеевдин иши Биринчи Май райондук сотуна жеткирилди. Азыр анын иши каралып жатат. Депутатты чыгарышабы же жокпу, аны сот өзү чечет" дешти Баш прокуратурадан. Эске салсак, кечээ эл өкүлүнүн жактоочусу Султан Баратов Нариман Түлеев туптуура 00:00дө камактан чыгарылышы керектигин айткан.