“Алай” Бишкекте “Дордойду” жеңип, өз тарыхында алгачкы ирет өлкөнүн суперкубогун жеңди

Бүгүн, 3-мартта Бишкек шаарында футбол боюнча өлкөнүн суперкубогу үчүн беттеш болуп өттү. Анда өлкө чемпиону "Алай" (Ош) менен өлкө кубогунун ээси "Дордой" (Бишкек) беттешти.

Оюндун эсебин биринчи таймда “Алай” футболчусу Акрам Умаров ачты. Экинчи бөлүктө Модибо Сидибе жана Алиа Силланын аракеттери менен “Алай” ири эсепте жеңишке ээ болду. Финалдык ышкырык 4:1 эсебин каттады. Муну менен “Алай” өз тарыхында алгачкы ирет өлкө суперкубогун жеңип алды.

Кошумчалай кетсек, суперкубок үчүн беттеш 2011-жылдан тарта уюштурулуп келет. Бүгүнкү күнгө чейин аталган кубокту кочкор-аталык "Нефтичи" (2011-жылы) жана бишкектик "Дордой" (2012, 2013, 2014) ута алган. Канттын “Абдыш-Ата” командасы 2016-жылы уткан.