Супер-Инфо
super.kg видео
ЖЫЛНААМА, 6-МАРТ: "Реал Мадрид" футболдук клубунун түзүлгөнүнө 115 жыл болду
Мындан 115 жыл мурун, 1902-жылы 6-мартта "Реал Мадрид" футболдук клубу түзүлгөн. Анын "ата-энеси" болуп 1896-жылы түзүлгөн "Футбол скай" клубу саналат. Бирок расмий түрдө "Реалдын" туулган күнү деп 1902-жылдын 6-марты кабыл алынган. Ошондо жаңы түзүлгөн командасына ага-ини Падрос менен Хулиан Паласиостор "Мадрид футбол клубу" деген ат коюшкан. "Реал" деген аталышына 1920-жылы Испаниянын падышасы Альфонс XIII "Падышалык клуб" наамын ыйгаргандан кийин ээ болгон ("real" сөзүн испанчадан которгондо "падышалык" дегенди билдирет. Ал латынча "regalis" - "падышалык" деген сөздөн келип чыккан).
ФИФА "Реалды" "ХХ кылымдын мыкты командасы" деп тапкан. Көп жылдардан бери "Реал" дүйнөнүн мыкты футболчуларын сатып алуу жагынан эч кимди алдына салган эмес. 2000-жылы "Реалдын" президенттик кызматына амбициясы күч болгон Флорентино Перес келип, командага планетанын мыкты футболчуларын чогултууну чечет. Бул максатта алгач 71 миллион евро коротуп, португалиялык Луиш Фигуну сатып алган. Фигунун артынан командага Зинедин Зидан келип кошулган. Анын трансфери 75 миллион еврону чапчыган. Дагы бир жылдан кийин Мадридге Роналдо, Дэвид Бекхэм жана Майкл Оуэн көчүп келген. "Дүйнөнүн мыкты футболчусу" аталган бул футболчулардан чогулган команда "Галактикос" деп атала баштаган.
2006-жылы Перестин ордуна Роман Кальдерон келет. Кальдерон ошондо командага жаңы чыгып келаткан жылдыз Криштиану Роналдуну алып келүү убадасын берип, упай топтоп бийликке келген эле. Бирок анын тушунда күйөрмандар "Сантьяго Бернабеудан" Роналдунун оюндарын көрө алышкан жок. Тескерисинче, Кальдерон Перестен калган "мурастарды" (Бекхэм, Роналдо жана башкалар) сатып жиберген. Натыйжада ал 2009-жылы отставкага кетип, "Реалга" кайрадан Перес келет. Ал чү дегенде эле көнгөн адатын баштайт. Кака үчүн 68 миллион, Роналду үчүн 93 миллион евро аябайт. Аталган эки мегажылдыздан тышкары командага Рауль Альбиоль менен Карим Бензема келип кошулат. Ошондой эле ири сатып алуулардын катарына "Ливерпулдан" Хаби Алонсонун келишин да кошсок болот.
"Реалдын" легендага айланган улуу оюнчуларынын катарына Замора, Раймон Копа, Ференц Пушкаш, Альфредо Ди Стефано, Гарсия Ремон, Пауль Брайтнер, Рауль жана башкалар кирет. Раулду "Реалга" 16 жыл өмүрүн арнагандыгы үчүн "команданын иконасы" деп аташат.
"Реал Мадриддин" мыкты көрсөткүчү деп ушуга чейин 11 Чемпиондор кубогун утуп алгандыгын айтса болот.
6-мартка карата жылнаама
Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.
Рубрикадагы соңку кабарлар
Рейтинг: 
1
1
Туулган күнү мн куттуктайм!