Бишкекти жашылдандырууга даярдыктар көрүлүүдө

"Жашылдандыруу" ишканасы борбор калаага гүлдөрдү отургузуу боюнча даярдыктарды көрүүдө. Бул тууралуу 6-мартта мэриянын басма сөз кызматы билдирди.

Маалыматка караганда мэр Албек Ибраимов №1-оренжереялык чарба күнөсканасынын абалы менен таанышты. Жолугушууда Илимдер академиясынын вице-президенти Биймырза Токторалиев шаардагы бак-дарактарга зыян келтирген мителер менен күрөшүү ыкмалары жөнүндө айтты. Зыянкечтер менен күрөшүү үчүн 12 миллион сомдой каражат керек, анын 8 миллион сому ийне сайганга жумшалат. Азыркы тапта ишкананын бюджетин оптимизациялоо иштери жүрүүдө. Бишкектеги 4 күнөсканада бир жылдык гүлдөрдүн 20 түрү отургузулду. Жалпы 1,5 миллион гүлдүн уругу себилди. Архитекторлор гүлдөрдү отургузуу үчүн клумбалардын эскизин даярдап жатышат.