Супер-Инфо
super.kg видео
ЭЛДИК КАБАР: "Концерттерге билеттерди ортомчулар сатса, кассалардын эмне кереги бар?" дейт окурман
"Концерттерге билеттерди ортомчулар сатса, кассалардын эмне кереги бар?" - деген суроосу менен кайрылды окурман SUPER.KG порталына WhatsApp аркылуу.
Анын айтымында, Спорт ордосунда, филармонияда кассалардагы билеттерди ортомчулар алып, үстүнө акча кошуп сатышууда.
"Борбордун жашоочулары митинг, ызы-чуудан жадап бир күн болсо да эс алалы деп, акчасын камдап майрамдарда концертке келишет. Көп учурда кассадан билет ала албай каласың. Билеттерди кассанын алдындагы онго жетпеген аялдар сатат. Болгондо да кымбат баада. Биз да 7-март күнү Абдылда Иманкуловдун 300-500 сомдук концертине барып, акчабыз жетпей, 8-мартта келсек да ошол көрүнүш экен. 300 сомдук билет 600 сомго чейин, 500 сомдуктар 800гө чейин болуп жатыптыр. 750дөн бер дешсе да, бербей, кассага барсак 2 четинен 500 сомдон деп жаап салды. Билет саткан аялдарда каяктан кааласаң ошол жерде билеттер толтура, бирок кымбат. Биз да элден калбай 300 сомдукту 600дөн алдык. Заңгыраган Спорт ордосунун кассасынан жакшы билет ала албагандан кийин, кассасы эмнеге иштеп жатат?" - деген суроо салды окурман.
Урматтуу окурман, эгер сиз да ушул сыяктуу турмуштагы өзгөчө көрүнүшкө, коомдогу маданий, спорттук иш-чарага, жаратылыш кубулуштарына, жол кырсыгына, акция же митингдерге күбө болсоңуз, тезинен сүрөткө, видеого тартып, дүйнө жүзү менен бөлүшүңүз. Интернет ааламы, тагыраак айтканда, SUPER.KG жаңылыгыңызды заматта өлкөбүзгө, Жер жүзүндөгү мекендештерге жеткирет. Алар көрүп, окуп, сиздин кабарыңызга үн кошушат.
Сиз жаңылыкты кыскача баяндап Telegram же WhatsApp аркылуу +996 779 47-39-39 номерине жибериңиз. Ушул эле кызмат (приложение) аркылуу кабардын аудиосун, видеосун, сүрөтүн да жөнөтсөӊүз болот. Кабар саналуу мүнөттөрдүн ичинде порталыбыздын "Соңку кабар" бөлүмүнө чыгат.
3
1 |