Түштүк Кореяда президенттин импичменти кабыл алынгандан кийинки кагылышуудан 3 адам каза болду

Кечээ, 10-мартта Түштүк Кореянын Конституциялык соту президент Пак Кын Хеге болгон импичментти кабыл алган соң Сеулда башаламандык орун алган. Жыйынтыгында 3 адам каза болду. Бул тууралуу чет элдик басылмалар жазып чыгышты.

Маалыматка ылайык, соттун чечими телеберүүлөр аркылуу жарыяланган. Чечимди күтүп жаткан президенттин тарапташтары жана каршылаштары митинг өткөрүп жатышкан. Тарапташтары таяк жана темир түтүктөр менен куралданып, соттун имаратына кирүүгө аракет кылышкан. Алар имараттын жанындагы журналисттерге кол салышкан. Киодо басылмасынын маалыматы боюнча, ондогон журналисттер жаракат алышкан. Ал эми нааразычылыкка чыккандардын арасында 70 адам жаракат алган.

Соттун имаратын жана башка мекемелерди коргоого 20 миңдей полиция кызматкери тартылган.

Пак Кын Хе импичмент менен кызматтан кеткен Түштүк Кореянын алгачкы президенти болду.