Күбө катары суралып жаткан Г.Ким Камчы Көлбаевди тааныбай турганын айтты

Биринчи Май райондук сотунда кримавторитет Камчы Көлбаевдин кезектеги сот иши уланууда. Анда күбө катары суралып жаткан Галина Ким буларды айтты: "Көлбаевди тааныбайм. Бирок анын тууганы Бакыт Бекбоевди тааныйм. Ал адам экөөбүздүн ортобузда бизнесибиз бар болчу. Бакыт менден акча алып, кайра эле берчү. Бирок акыркы жолу 185 миң доллар алып, аны бербей койду.  Мындан улам Чыңгыз Жумагулов аттуу адамга кайрылып, Бекбоевден акчамды алып берүүмдү сурандым. Бирок Чыңгызга Бакыт “Мен Галинага эч кандай акча бересем жок” деп айтыптыр. Бирок кийин акчамдын ордуна Ауди-6 унаасын берди".