Министрлик: Беш жыл аралыгында жөлөк пулдун көлөмү төрт эсеге көбөйүп, 872 сом болду

Кыргыз Республикасын туруктуу өнүктүрүүнүн Улуттук стратегиясынын алкагында ай сайын берилчү жөлөк пулдун көлөмү төрт эсеге көбөйдү. Аз камсыз болгон үй-бүлөлөргө 5 жыл мурун 235 сомдон берилип келсе, азыр 872,5 сомдон жөлөк пул берилип жатат. Бул тууралуу 15-мартта социалдык өнүгүү министрлигинин басма сөз кызматы билдирди.

Маалыматка караганда, кепилденген минималдык кирешелердин өлчөмү жыл сайын өсүп жатат. Анын негизинде үй-бүлөлөрдүн жардамга муктаждыгы аныкталат. 2011-2016-жылдары кепилденген минималдык кирешелердин өлчөмү 370 сомдон 900 сомго жогорулаган.

"Үй-бүлөлөрдүн муктаждыгын аныктоочу критерийлерди жогорулатуу менен, жөлөк пулдардын даректүүлүгүн күчөтүү жаатында аракеттер көрүлүп жатат. Жер иштетүүдөгү кирешелердин нормативдери азык-түлүктүн баасына жараша кайра каралып жатат. Мал жандыктарын, транспорт каражаттарын каттоо тартиби каралууда", - деп айтылат маалыматта.