Супер-Инфо
super.kg видео
ТЕСТ: Жогорку Кеӊешке саякат...
Жогорку Кеӊеш тарайт-тарабайт деген жоромолдор күчүндө. Депутаттарды "позициясы жок, эркин эмес" деп сындагандар да, аларды эл шайлаганын айтып, парламент өзүнүн мөөнөтү бүткүчө иштеши керек дегендер да бар. Депутаттар кантип иштеп, талкуу майданынан чыкпаган Жогорку Кеӊеште эмне окуялар болуп жатканын билесизби? Бүгүнкү тест - парламентке саякат...
1
2
3
4
5
6
7
8
9
10
11
12
13
14
15
16
17
18
19
20
Экс-төрагага сын: "Мага кийлигишпей, тамадалык ишиӊизди алып бара бериӊиз..." Кимдин сөзү?
Жогорку Кеӊештин 5-чакырылышында төрага Асылбек Жээнбековдун чектөөсүнө нааразы депутат Мыктыбек Абдылдаев "сиз мага кийлигишпей, тамадалык ишиңизди алып бара бериңиз" деген. Жээнбеков депутатка тамада эмес, төрага экенин эскерткен.
Аида Салянованын
Рыскелди Момбековдун
Мыктыбек Абдылдаевдин
Парламент өзүн-өзү таратышы үчүн канча депутат добуш бериши керек?
Конституцияга ылайык, Жогорку Кеңеш өзүн-өзү таркатуу жөнүндө чечим кабыл ала алат. Баш мыйзамдын 78-беренеси: Өзүн-өзү таркатуу жөнүндө чечим Жогорку Кеңештин депутаттарынын жалпы санынын үчтөн экисинен кем эмес көпчүлүгүнүн добушу менен кабыл алынышы мүмкүн. Демек, 80ден ашык депутаттын добушу менен.
60тан ашык
80ден ашык
40тан ашык
Сүрөттөгү экс-депутатты тааныйсызбы?
Мээрбек Мискенбаев. Коомчулукка куудулдар Рахман Разыков менен Тынар Курбаналиевдин интермедиясын сындап чыгып кеӊири таанылды. Учурда "Айкөл Ала-Тоо" бирикмесинин жетекчиси.
Мээрбек Мискенбаев
Абдыманап Кутушев
Төрөбай Зулпукаров
Жогорку Кеӊеште мыйзамдар канча окууда кабыл алынат?
Мыйзамдар 3 окуудан кабыл алынат. Биринчи окууда долбоордун концепциясы, максаттары жана милдеттери жана башкалары талкууланат. Экинчиде жооптуу комитетке келип түшкөн сунуштар боюнча мыйзам долбоорунун беренелери каралат. Үчүнчү окууда мыйзам долбоорунун текстине редакциялык оңдоолор киргизилет.
2 окууда
3 окууда
4 окууда
Экс-депутат Лунара Мамытованын азыркы кызматы?
Жогорку Кеӊештин мурунку депутаты Лунара Мамытова 2016-жылдын ноябрында эмгек жана социалдык өнүгүү министринин орун басары болуп дайындалган.
Диктор
Министрдин орун басары
Фонд төрайымы
Жыйынга 1 күн себепсиз катышпаган депутаттын жазасы?
Жогорку Кеңештин регламентине ылайык, жыйынга себепсиз катышпаган депутаттардын айлыгынын 10 пайызы кармалат. Бирок бул жаза депутаттардын жоопкерчилигин күчөтө албай келет.
Бир күндүк маянасы кармалат
Кийинки жыйында микрофон берилбейт
Айлыгынын 10 пайызы кармалат
Булардын кимиси экс-спикер эмес?
Өмүрбек Текебаев да, Адахан Мадумаров да убагында парламент спикери болушкан. Демек, туура жооп - Иса Өмүркулов.
Өмүрбек Текебаев
Иса Өмүркулов
Адахан Мадумаров
Депутатты артка чакыртып алуу мүмкүнбү?
Мүмкүн эмес. Конституциянын 73-беренесинде "Жогорку Кеңештин депутаты императивдик мандатка байланышпайт. Депутатты кайра чакырып алууга жол берилбейт" деп жазылган.
Мүмкүн эмес
Толук мүмкүн
Фракциядан көз каранды
Экөөнүн кимиси президенттик жарышка түшүүнү чечти?
"Республика-Ата Журт" фракциясынын лидери Өмүрбек Бабанов да, "Өнүгүү-Прогресс" фракциясынын лидери Бакыт Төрөбаев да быйыл күзүндө өтүүчү президенттик жарышка катышарын ырасташты.
Экөө теӊ
Өмүрбек Бабанов
Бакыт Төрөбаев
Чыныбай Турсунбеков азыркы учурда...?
Чыныбай Турсунбеков азыркы учурда парламент спикери. Буга чейин Жогорку Кеӊештеги КСДП фракциясын жетектеп келген.
КСДП фракциясынын лидери
Спикердин орун басары
Парламент спикери
Азыркы депутаттарда кызматтык автоунаа барбы?
Жогорку Кеңештин 6-чакырылышынын депутаттары 2015-жылы кызматтык унаадан жана 1 жардамчыдан баш тартышкан. Бирок айрым фракция лидерлери азыркыга чейин кызматтык унаада жүрүшөт.
Бар
Жок
Жарымында бар
Жакында КСДП фракциясынан ким чыгарылды?
КСДП фракциясынан депутат Жанар Акаев чыгарылды. КСДП партиясынын саясий кеӊеши "Акаевдин иш аракеттери фракциядагы ич ара ынтымакты чыӊдоого туура келбейт" деп бүтүм чыгарып, бул чечимди парламентте КСДП фракциясы да колдоого алды.
Ирина Карамушкина
Узарбек Жылкыбаев
Жанар Акаев
Жогорку Кеӊештин жыйыны парламенттен башка жерде өтүшү мүмкүнбү?
Зарылчылык жаралса, Жогорку Кеӊештин жыйналыштарын парламент имаратынан башка жерде өткөрүүгө мыйзам жол берет.
Жок, жол берилбейт
Ооба, өтүшү мүмкүн
7-апрелде гана уруксат
Бул депутат мандаттан баш тарткан. Себеп...
"Бир бол" фракциясынан парламентке депутат болуп барган Чолпон Жакупова Конституцияны өзгөртүү демилгесине кескин каршы чыккан. Эгерде Баш мыйзам өзгөртүлчү болсо, депутаттыктан баш тартарын айтып, 2017-жылдын башында мандатын тапшырды. Конституция 2016-жылдын 11-декабрында Референдум аркылуу өзгөртүлдү.
Фракциядан чыгарылышы
Үй-бүлөлүк шарт
Конституциянын өзгөртүлүшү
Мыйзамга ылайык, себепсиз 30 күн жыйынга катышпаган депутат...
Жогорку Кеӊештин депутатынын статусу жөнүндө мыйзамга ылайык, Жогорку Кеңештин жыйналыштарына бир сессиянын ичинде жүйөлүү себепсиз 30 жана андан ашуун иш күндөрү келбесе, депутаттын ыйгарым укуктары мөөнөтүнөн мурун токтотулат.
... мандаттан ажырайт
... кылмыш жообуна тартылат
... 100 миӊ сом айып төлөйт
Парламент: депутаттын төш белгисиндеги жазуу?
Жогорку Кеӊештин депутатына кызматтык күбөлүк жана төш белги ыйгарылат. Төш белгидеги жазуу - Жогорку Кеӊеш.
Жогорку Кеӊештин депутаты
Кыргыз парламенти
Жогорку Кеӊеш
Учурда бир дагы аял депутаты жок фракциялар?
Парламенттеги "Кыргызстан" жана "Бир бол" фракцияларында бир дагы аял депутат жок. "Кыргызстандан" парламентке келген аял депутаттар түрдүү себептер менен мандаттан ажыратылып, ордуна эркек депутаттар келишти. "Бир болдо" да ушундай эле жагдай.
"Ата Мекен" - "Өнүгүү-Прогресс"
"Кыргызстан" - "Бир бол"
КСДП - "Республика-Ата Журт"
Партия тизмесинин канча пайызы аял болушу керек?
Мыйзамга ылайык, партиянын тизмесинин 30 пайызы аялдар болушу керек. Бул норма шайлоо алдында сакталганы менен, парламентке өткөн партиялар аялдарга көбүрөөк орун берүүгө анчалык кызыкдар эместигин убакыт көрсөтүүдө. Салыштырмалуу КСДП фракциясында аял депутаттар көбүрөөк.
40 пайызы
30 пайызы
25 пайызы
21 жаштагы жаран Жогорку Кеӊешке депутат боло алабы?
Кыргыз Республикасынын Конституциясынын 70-беренеси, 2-пункту: Шайлоо күнүнө карата 21 жашка чыккан, шайлоого укугу бар Кыргыз Республикасынын жараны Жогорку Кеңештин депутаты болуп шайлана алат.
Жок, жашы жетпейт
5 миӊ шайлоочу талап кылса боло алат
Ооба, мыйзам жол берет
Жогорку Кеӊештин 6-чакырылышы качан шайланды?
Жогорку Кеӊештин 6-чакырылышы 2015-жылдын 4-октябрында шайланган. 6 партия жетиштүү добуш топтоп парламентке келген. Алар: КСДП, "Республика-Ата Журт", "Кыргызстан", "Өнүгүү-Прогресс", "Бир бол" жана "Ата Мекен" партиялары.
2015-жылы, октябрда
2016-жылы, ноябрда
2014-жылы, сентябрда
"Гүлсарат", "Ак кеме"... Айтматовдун чыгармаларын унута элексизби?
Сиздин упайыңыз
0
1 |