УКМКнын Садыр Жапаровго суроолору көп

Жогорку Кеңештин мурдагы депутаты Садыр Жапаровго Улуттук коопсуздук мамлекеттик кызматынын суроолору көп. Бул тууралуу бүгүн, 22-мартта SUPER.KG порталына УКМКнын басма сөз кызматынан билдиришти. Ал эми Жапаровдун кайсы кылмыш иши боюнча суракка чакырылып жатканы тууралуу суроого мекеме жооп берүүдөн баш тартты.

Айта кетсек, учурда Казакстанда жүргөн Садыр Жапаров 25-мартта Кыргыз өлкөсүнө келмекчи. Буга чейин Жапаровго УКМКдан суракка чакыруу келгени белгилүү болгон. Жапаров Кыргыз жерине келери менен УКМКга суракка барарын айтып, күч органдары камакка алып коюшу мүмкүн экенин белгилеген.