ЭЛДИК ВИДЕО: "Азия MIX" командасынын оюнчусу Ростислав Ященконун көрүнгөн жерге таштанды таштагандарды уяткарган видеосу интернетке тарады

"Элдик видео" бөлүмүнө "Азия MIX'тин" оюнчусу таштанды таштагандарды уяткарды" деген видео жүктөлдү (ник: Brutality).

"Азия MIX" командасынын оюнчусу Ростислав Ященконун көрүнгөн жерге таштанды таштагандар боюнча өз оюн билдирип, ачуу чындыкты айткан видеосу интернетке тарады. Ал Нооруз майрамынан кийин "Ала-Тоо" аянтынан 30 метр куб таштанды чыгарылганын, дагы башка белгилүү эс алуучу жайлар таштандыга толуп калганын айтат.

"Бир нерсени бүлүндүрүү үчүн адам канчалык деӊгээлде өзүн, өзүнүн жерин сыйлабашы керек? Бир жолу "Токтогул" суу сактагычы тарапта чет элдик адамдын жанында аябай уят болгом. Ал "кантип ушундай кыласыӊар?" деп айтып, баштыкты алып жыйнап кирген.

Эгерде адамдарды ата-энеси тарбиялай албаган болсо, мүмкүн, бул нерсе менен мамлекет алектенет? Эмне үчүн мамлекет дагы деле таштандыны көрүнгөн жерге таштагандарга карата чара көргөн, айып салган мыйзам иштеп чыккан жок. Себеби мекенин сүйгөн адам эч качан мындай жоруктарды жасабайт", - дейт Ященко.

Видеону көрүү үчүн шилтеме.