Дубайда дүйнөдөгү эӊ кымбат делген чизбургер 10 миӊ долларга сатылды

Дубайда дүйнөдөгү эӊ кымбат делген чизбургер 10 миӊ долларга (690 миӊ сомдой) сатылды. Бул тууралуу чет элдик басылмалар жазып чыгышты.

Маалыматтарга караганда мындай кымбат баалуу фастфудду даярдоого башкы ашпозчуларга шейх Мухаммед бин Абдулла Аль Тани жардамга келген. Тамак өлкөнүн жети эмиратын эске салган жети кесик уй этинен, чеддер сырынан жана булочкадан жасалган.

Чизбургерди бай жашоо образын чагылдырган басылманын ээси Асма Аль Фахим сатып алган.

Сатуудан түшкөн каражат көкүрөк рагы тууралуу маалыматты топтоого, аны алдын алууга багытталган иш-чараларга жумшалган. "Мындан 2 жыл мурун бир чизбургерди 7 миӊ долларга сатып, дүйнөлүк рекорд койгон элек. Бул жылы андан да ашып өтүүнү максат кылганбыз", - деп билдирген шейх Аль Тани.