Кыргыз мамлекетинин 326 айылында аналог телеберүүсү өчүрүлбөйт

Кыргыз мамлекетинин 326 айылында аналог телеберүүсү өчүрүлбөйт. Бул тууралуу бүгүн, 24-мартта өкмөттө өтүп жаткан жыйында Маданият, маалымат жана туризм министри Түгөлбай Казаков билдирди.

Анын айтымында, бул айылдарда санариптик телеберүү менен камсыз кылууга мүмкүнчүлүк жок.

“Санариптик телеберүүгө Баткен облусунун 95 пайызы, Ысык-Көл облусунун 77 пайызы, Ош облусунун 24 пайызы, Талас облусунун 69 пайызы, Чүй облусунун 47 пайызы өттү. Ал эми Бишкек шаарынын 53 пайызы өтсө, Ош шаарынын 43 пайызы өттү”, - деди ал.

Министрдин орун басары Айнура Темирбекова санариптик телеберүүгө өтүүгө бөлүнгөн 45 миллион сомго 65 жабдык сатылып алынганын айтты.

“Ар бир облустардагы өкмөттүн өкүлдөрүнүн орун басарларына бул боюнча графиктер берилген. 326 айылга 211 жабдык керектелет”, - деди ал.